106
REGISTRES DU BUREAU
[i553j
nous a faict grant lort et dommaige, et a donné occasion à plusieurs de pencer que la chose qui avoit esté mise cn avant s'en yroit en fumée et ne sorliroit aucun effect. Les lettres que l'on nous a baillées n'ont esté publiées jusques au jour d'hier, et ne nous a esté possible les faire publier plus tost.
"Nous regarderons à faire au moins mal qu'il sera possible; mais il fault adviser, s'il vous plaist, aux phistoletz et aux doubles ducatz pour en faire, non une ordonnance generalle, mais une dispence et relacalion (sic) jusques à certaine somme que nous pourrons recevoir.
"Noz lettres qu'il nous fault avoir pour les ix" ji. livres tournois ne sont pas encores expediées, signées ne scellées. Nous envoyons par delà l'ung de nous pour cest effect, affin de les faire expedier, signer et scel­ler, pour puys après les faire veriffier tant à la Chambre des Comptes que aux generaulx de la Justice où elles sont adressées; et combien que nosd. lettres ne soient signées, scellées ny veriffiées, comme il est requis pour la seureté de ceulx qui baillent leurs deniers; si est ce que, pour subvenir aux affaires du Roy et par autant que le premier
quartier du payement porté par les lettres eschet au xv0 jour de Fevrier prochain, nous avons faict ce que jamais ne fut faict et avons receu deniers soubz la promesse que nous avons faicte à ceulx qui les ont apportez, cc quc autrement ilz n'eussent faict, de faire valider les constitutions de rentes faictes aupa­ravant la publication des lettres portans permission de les povoir constituer tellement que, pour le pre­sent, nous avons de quoy fournyr au premier quartier. De ce que nous pourrons recevoir cy après, nous ne vous en sçaurions que dire ne asseurer, mais il ne tiendra à nous que le Roy ne soit secouru. Dieu veuille que les autres quartiers se puissent si bien recouvrer !
".Le porteur vous pourra dire le reste par le menu, que nous vous supplions vouloir croire comme nous mesmes.
"Monseigneur, nous prierons le Createur vous donner sa grace, et en santé bonne vie et longue.
"A Paris, le xv0 jour de Janvier m vclii.
kVoz trés humbles, obéissans serviteurs,
"Les Prevost des Marchans ct Eschevins de la ville de Paris."
CLXIX. — Ordonnance pour les cencives de la Ville.
27 janvier i553. (B fol. 89 v°.)
Du xxvii0 Janvier mil v° mi.
Ce jourd'huy a esté expedié ordonnance à Claude Noel, sergent de lad. Ville, dont la teneur ensuit.
De par les Prevost des Marchans et Eschevins de la ville de Paris.
27 janvier. «Il est ordonné, à la requeste du Procureur du Roy et de ladicte Ville, que Claude Noel, sergent d'icelle, se transportera le long des anciennes mu­railles de ladicte Ville, tant de costé que d'autre, et défaire commandement à fous les deptempteurs des maisons, jardins et autres heritaiges estans le long
desd, murailles, et à ceulx qui joissent des allées et tours estans sur lesd, murailles, qu'ilz ayent à ap­porter ou envoyer au Bureau de lad. Ville, dedans xve les baulx qu'ilz ont ou pretendent avoir desd, maisons, jardins, allées et tours; autrement, et à faulte de ce faire, seront saysies et mis en la main du Roy nostre Sire et de ladicte Ville iceulx heri­taiges, et y seront establiz commissaires pour les regir et gouverner jusques à ce que autrement en soit ordonné.
«De ce faire avons donné pouvoir aud. Noel.
"Donné au Bureau de l'Hostel de ladicte Ville, Ie xxvnc jour de Janvier l'an ai vc lu. n
Signé : Bachelier.
CLXX.
Ordonnance pour les cencives de la Ville.
27 janvier 1 553. (B fol. 89 v°.)
maisons estans cn ceste ville de Paris soubz les
De par les Prevost des Marchans et Eschevins de la ville de Paris. "Vous, Jehan Naslin, sergent de ladicte Ville, faictes commandement à tous les proprietaires des
censives de ladicte Ville, et couchez au roolle qui par ci devant vous a esté baillé, qu'ilz ayent à venir passer tiltre nouveau ou nous faire apparoir d'icelluy dedans le jour cui leur sera par vous assigné pour